George Bush, Bandaríkjaforseti, segir að Íranar eigi að útskýra að fullu kjarnorkumál sín ef þeir vilji ekki einangrast enn frekar á alþjóðavísu en orðið er. Bush segir að margt í fortíðinni kalli á skýringar og að Íranar eigi að hætta auðgun úrans tafarlaust.

Bush segir að Íranar eigi að viðurkenna að þeir hafi unni leynilega að þróun kjarnavopna fram til ársins 2003, þá er hann á því að Íranar haldi enn öllum möguleikum opnum og haldi áfram auðgun úrans, sem nýst geti í framtíðinni til kjarnavopnagerðar.

Viðbrögð alþjóðasamfélagsins við skýrslu leyniþjónusta Bandaríkjanna hafa ekki öll verið á sama veg. Íranar sjálfir segja skýrsluna mikinn sigur, enda segir í skýrslunni að Íranar hafi hætt þróun kjarnavopna árið 2003. Kínverjar segja skýrsluna kalla á breytta stefnu gagnvart Írönum.

Mohamed ElBaradei, forstjóri Alþjóðakjarnorkumálastofnunarinnar, segir skýrsluna hafa verið létti þar sem hún hafi verið í samræmi við upplýsingar stofnunarinnar.

Tengdar fréttir

Íranar krafðir skýringa á kjarnorkuáætlun

„Mikill sigur fyrir Írana"

• Indverjar banna sölu á kjarnorkutengdum varningi til Írans
• Samþykkt að endurskoða samstarf við kjarnorkueftirlitsnefnd SÞ
• Plúton og leifar af auðguðu úrani í Íran
• Bush útilokar beinar viðræður við Írana

» Fleiri tengdar fréttir

• 1 blogg um fréttina

Bloggað um fréttina

• Haukur Nikulásson: Bush heldur áfram að hóta Irönum