Olía ógnar náttúruverndarsvæði

Unnið er að því hörðum höndum að hreinsa upp olíu sem lak úr olíuskipi fyrir utan strendur Suður-Kóreu í gær skammt undan friðuðu náttúruverndarsvæði. Olíuflekkurinn er um 20 kílómetra langur og ógnar hann jafnframt fiskeldi.

Olíuskipið Hebei Spirit rakst á flutningapramma og kom gat á það með þeim afleiðingum að 10 þúsund tonn af olíu fóru í hafið.

Fólk sem býr í grenndinni hefur samkvæmt fréttavef BBC séð olíuna nálgast land og unnið er að því að brjóta hana niður og hreinsa upp.