Danir fylgjast með rússneskum sprengjuflugvélum

Tvær danskar F-16 orrustuflugvélar voru sendar til móts við tvær rússneskar Tupolev sprengjuflugvélar, oft kallaðar birnir, sem birtust á ratsjá skammt frá mörkum danskrar lofthelgi í gærkvöldi. Rússneskar herflugfélagar hafa aldrei komið jafn nærri danskri lofthelgi fyrr.

Danir hafa skráð þrjú önnur slík tilvik í haust og vetur eftir að Vladímír Pútín, Rússlandsforseti, tilkynnti í ágúst að sprengjuflugvélar rússneska flughersins muni hefja á ný að fljúga langflug um alþjóðlegt flugstjórnarsvæði.

Bretar og Norðmenn hafa nokkrum sinnum á síðustu mánuðum sent orrustuflugvélar til að fylgjast með rússneskum sprengjuflugvélum. Þá hefur Ratsjárstofnun á Íslandi fylgst með slíkum vélum þegar þær hafa farið inn á íslenska loftrýmissvæðið.

Flugferðir rússneskra sprengjuflugvéla var alvanalegt á tímum kalda stríðsins en þeim var hætt árið 1992 vegna fjárhagsvandræða Rússlandsshers. 

Rússar hafa sagt, að vélarnar séu ekki búnar kjarnorkuvopnum og aðalmarkmið flugferðanna sé að þjálfa flugmenn. 

• 3 blogg um fréttina

Bloggað um fréttina

• K Zeta: Völlinn aftur til BNA
• Snorri Bergz: Danir fylgjast með Birni
• Gísli Foster Hjartarson: Danir fylgjast með björnum! Skyldi engan undra