George W. Bush, Bandaríkjaforseti, fordæmdi nú síðdegis hina auvirðilegu morðárás öfgamanna á Benazir Bhutto, leiðtoga stjórnarandstöðunnar í Pakistan. Hvatti hann stjórnvöld í landinu að láta ekki hrekja sig af leið til lýðræðis. 

„Þeir sem frömdu þennan glæp verða að svara til saka," sagði Bush, sem staddur er á búgarði sínum í Texas. „Við stöndum með pakistönsku þjóðinni í baráttunni gegn hryðjuverkum og öfgum."

Bush hvatti Pakistana til að víkja ekki af þeirri leið lýðræðis, sem mörkuð hefði verið eftir að neyðarástandi var aflétt nýlega og þingkosningar boðaðar 8. janúar. 

„Við hvetjum þá til að heiðra minningu Benazir Bhutto með því að halda áfram á lýðræðisbraut," sagði Bush.

Tengdar fréttir

Bhutto

Bhutto á pening

• Lífstíðarfangelsi í stað dauðarefsingar
• Viðræður flokka að hefjast í Pakistan
• Sorgartímabili lýkur í Pakistan
• Skotið á fólk á kosningafundi í Pakistan

» Fleiri tengdar fréttir

• 1 blogg um fréttina

Bloggað um fréttina

• K Zeta: Lýðræðið á brattann að sækja