Danske Bank býður fé fyrir upplýsingar um ræningja

Danske Bank bauð í dag þeim sem geta veitt upplýsingar um peningarán á dreifingarstöð bankans við Árósa í morgun, 200 þúsund danskar krónur, jafnvirði tæplega 2,5 milljóna íslenskra króna, fyrir upplýsingar sem gætu leitt til þess að ræningjarnir finnast.

Fjórir grímuklæddir menn óku pallbíl gegnum girðingu umhverfis dreifingarstöðina í Brabrand, yfirbuguðu tvo öryggisverði og héldu síðan á brott með peningapoka sem í voru 26,7  milljónir danskra króna, jafnvirði 330 milljóna íslenskra króna.

Eftir ránið flúðu ræningjarnir á gömlum Audi bíl sem fannst síðar yfirgefinn á Jótlandi.

Um er að ræða annan mesta ránsfeng í sögu Danmerkur. Árið 2000 var peningaflutningabíl rænt og ræningjarnir höfðu á brott með sér 41,5 milljónir danskra króna. 

• 1 blogg um fréttina

Bloggað um fréttina

• Ari Guðmar Hallgrímsson: Þeir hafa þá ekki tekið allt.