Sharif hyggst sniðganga kosningarnar
Setja bókamerki
Nawaz Sharif, leiðtogi stjórnarandstöðunnar í Pakistans, sagði í dag að flokkur hans muni sniðganga þingkosningarnar í landinu sem fram eiga að fara 8. janúar nk. Sharif krafðist þess jafnframt að Pervez Musharraf, forseti Pakistans, segi af sér þegar í stað.
„Það er ekki hægt að halda sanngjarnar og frjálsar kosningar á meðan Pervez Musharraf er við völd. Hann segir að eftir að Benazir Bhutto var myrt þá hafi hann tilkynnt að flokkur hans muni sniðganga kosningarnar.
Sharif hvatti aðra flokka til að gera slíkt hið sama. Taki margir flokkar höndum saman og hundsi kosningarnar gæti það grafið undan lögmæti kosninganna. Musharraf vinnur nú að því að koma á lýðræði í landinu eftir átta ára valdatíð hersins.
„Ég krefst þess að Musharraf hætti þegar í stað,“ sagði Sharif á blaðamannafundi í dag. „Musharraf er orsök vandans. Pakistan getur ekki haldist saman á meðan Musharraf forseti er við völd.“
Létu lofthræðsluna ekki á sig fá
„Sá vegur er bæði háll og myrkur“
Þurfa að fjölga um 100 legurými
77 ár á milli þess elsta og yngsta
Formaðurinn útilokar ekki undirritun í kvöld
Þrír menn ruddust inn í íbúð í Vesturbænum
Rannsókn á menningarnæturmáli lokið
Viðtöl við oddvitana í Suðurkjördæmi