Erlent | mbl | 8.1.2008 | 20:59 | Uppfært 23:55

Obama spáð sigri

Þó að þessi kjósandi styðji Clinton er ekki víst að það dugi til. Reuters

Kjósendur í forkosningum Demókrataflokksins í Bandaríkjunum eru að mati fréttaskýrenda vestanhafs ekki að snúa baki við Hillary Clinton vegna þess að þeir efist um ágæti þess að hafa konu í Hvíta húsinu heldur eru þeir að taka bjartsýnum skilaboðum Baracks Obama, keppinauts hennar, opnum örmum.

Sérfræðingar í stjórnun og kynjafræðum sögðu í viðtali við Reuters fréttastofuna að Clinton sem er sextug og sjóuð í stjórnmálum líti út fyrir að vera gamaldags við hlið hins 46 ára Obama sem á tvö ung börn með eiginkonu sinni.

Rithöfundurinn Naomi Wolf segir í samtali við Reuters að hún telji að kjósendur láti sig frekar varða málefnin en kynjapólitíkina og Obama er líklegri að hennar mati til að færa kjósendum nýja von og breytingar.