ESB hótar Ítölum lögsókn

Framkvæmdastjórn Evrópusambandsins hótaði í dag að höfða dómsmál á hendur ítölskum stjórnvöldum ef þau leysa ekki sorphirðukreppuna í Napólí sem leitt hefur til þess að um hundrað þúsund tonn af sorpi eru þar á götum úti.

Þrjár vikur eru síðan sorphirðumenn í Napólí og Campaníuhéraði fóru í verkfall vegna þess að ekki er lengur pláss fyrir sorp á sorphaugum.

Framkvæmdastjórnin er reiðubúin að beita „öllum ráðum,“ þ.á m. sektum, til að knýja ítölsk stjórnvöld til að fylgja reglum ESB um sorp, sagði Stavros Dimas, sem fer með umhverfismál í framkvæmdastjórninni.

• 3 blogg um fréttina

Bloggað um fréttina

• Ólafur Als: Fnykurinn norður yfir Alpafjöll
• Jóhannes Ragnarsson: Sorpmáli vísað til Héraðsdóms Norðurlands
• Guðmundur Jónas Kristjánsson: ESB hótar. Hvað næst?