Ráðast gegn öfgavefsíðum

Bresk stjórnvöld eru með áform um að ráðast gegn vefsíðum sem kynda undir öfgar, til þess að koma í veg fyrir að fólk aðhyllist öfgahópa.

Jacqui Smith innanríkisráðherra Bretlands segist vilja auka samráð við netfyrirtæki og nota tæknina til þess að koma í veg fyrir að viðkvæmir eða ungt fólk verði tálbeitur öfgahópa.
 
„Áskorunin sem við stöndum frammi fyrir er að hindra að fólk verði eða styðji hryðjuverkamenn," sagði Smith.

Smith segir á fréttavef BBC að margt bendi til þess að vefsíður séu notaðar í auknum mæli til þess að dreifa áróðri hryðjuverkamanna.

Smith bendir á að lagabreytingar séu nauðsynlegar og að samvinna með netfyrirtækjum geti borið árangur.  Smith vísar til þess að slík samvinna hafi gagnast vel við að hafa upp á barnaníðingum sem hafi fundið fórnarlömb sín á netinu.

• 1 blogg um fréttina

Bloggað um fréttina

• Brjánn Guðjónsson: Hvað eru öfgar?