Svartsýni og vantraust á leiðtoga heims

Íbúar heimsins óttast framtíðina og treysta ekki leiðtogum ríkja, samkvæmt alþjóðlegri könnun Alþjóða efnahagsstofnunarinnar, World Economic Forum.

Nærri helmingur þeirra sem tóku þátt í könnuninni telja að næsta kynslóð muni búa í hættulegri heimi.  Tekin voru viðtöl við við 61.000 manns í 60 löndum.  Svörin lýsa skoðunum 1,5 milljarða manna um allan heim.

Þátttakendur í könnuninni voru spurðir um horfur til öryggis og efnahags í framtíðinni og svör sýna fram á að skortur er á bjartsýni sérstaklega meðal íbúa vestur-Evrópu og Norður-Ameríku. 

Útkoma er í samræmi við undanfarin ár en 25% svarenda telja að næsta kynslóð muni búa við meira öryggi á meðan helmingi fleiri eða 48% sjá fram á minna öryggi.

Bjartsýni á efnahagslegum vexti hefur minnkað og eru Evrópubúar svartsýnastir, en  19% trúa því að framtíðarkynslóðir muni búa við velmegun og 54% áttu von á lítilli eða minni velmegun. 

27% Bandaríkjamanna höfðu trú á velmegun í framtíðinni.

Afrískar þjóðir voru bjartsýnar um velmegun en fimm þjóðir voru með í könnuninni.  71% töldu að framtíðarkynslóðir myndu búa við betri kjör en eru í dag.

Meirihluti þátttakenda taldi að leiðtogar ættu að stuðla að hagvexti, og koma í veg fyrir bilið á milli ríkra og fátækra.  Þetta árið voru umhverfisvernd, hryðjuverk og stríð einnig á hátt lista yfir þá hluti sem leiðtogar eiga að beina athyglinni að og bæta.

Neikvæðni gagnvart stjórnmálamönnum hafði aukist á miðað við í fyrra en íbúar rómönsku Ameríku treystu minnst stjórnmálamönnum.

8% allra þátttakenda sögðust treysta stjórnmálamönnum minnst en kennurum er treyst mest eða af 34% þátttakenda í könnunni.

Könnunin var gerð á mánuðunum október til desember 2007.

• 1 blogg um fréttina

Bloggað um fréttina

• Tómas Þórsson: Hetja komandi veraldar