Átökin í Kenýa breiðast út

Talið er að a.m.k. níu manns hafi látist í átökum fólks af ólíkum ættbálkum í bænum Naivasha í vesturhluta Kenýa í dag. Fréttir hafa einnig borist af átökum í nágrannabæ Nakuru, þar sem hvað mest hefur verið um blóðug átök að undanförnu. Þá hafa hópar vopnaðra ungmenna lokað helsta veginum á milli Makuru og höfuðborgarinnar Nairobi. Þetta kemur fram á fréttavef BBC.

 Um 750 manns eru sagðir hafa látið lífið í átökum og árásum í landinu frá því Raila Odinga, forsetaframbjóðandi stjórnarandstöðunnar sakaði Mwai Kibaki, forseta landsins, um að stela af sér kosningasigri í kosningum sem fram fóru í landinu í lok desember. Átökin hafa að mestu staðið á milli Luo og Kikuyu ættbálkanna sem mennirnir tilheyra.