Náttúruverndarsinnar orðnir olíulausir
Setja bókamerki
Liðsmenn náttúruverndarsamtakanna Sea Shepherd, sem hafa reynt að trufla hvalveiðar Japana í Suðurhöfum að undanförnu, segja að þeir muni nú halda til lands vegna þess að skip þeirra sé að verða olíulaust. Skipi Grænfriðinga var siglt af hvalamiðunum fyrir tveimur dögum af sömu ástæðu.
Sea Shepherd sagði í morgun, að skip samtakanna, Steve Irwin, muni halda til Melbourne eftir nokkra daga. Þar segir Paul Watson, leiðtogi samtakanna, að ástæðan sé sú að eldsneytisbirgðir skipsins séu á þrotum.
Sjávarútvegsráðuneyti Japans staðfesti að hvalveiðiflotinn hefði ekki veitt neinn hval á þeim tæpa hálfa mánuði sem liðinn er frá því tveir liðsmenn Sea Shepherd fóru um borð í hvalveiðiskip á miðununum. Sagðist ráðuneytið fagna því, að Steve Irwin væri á leið til lands.
Fuglager í Grindavík: „Þetta var bara pínu magnað“
„Guð forði okkur frá því“ að Ísland missi tengslin
Æskuvinir sem fóru í víninnflutning frá Georgíu
Býst við meiri aðsókn í janúar
300 tonn af búslóðum Grindvíkinga beint á haugana
Sex fluttir með þyrlunni og þar af eitt barn
Segir lögreglu hafa hætt við þegar lögmaður mætti