Afganska þingið styður dauðadóm fyrir guðlast

Efri deild afganska þingsins styður dauðadóm yfirafgönskum blaðamanni fyrir guðlast í norður Afganistan.  Pervez Kambaksh var dæmdur til dauða í síðustu viku fyrir að niðurhala og dreifa grein sem var talin móðga íslam.  Hann neitar sök. 
 

Sagt er frá því á fréttavef BBC að Sameinuðu þjóðirnar hafa gagnrýnt dóminn og segja blaðamanninn ekki hafa haft lögfræðiaðstoð í málinu.

Afganska öldungaráðið hefur gefið út yfirlýsingu um stuðning við dóminn og þó ekki hafi verið kosið á þinginu var yfirlýsingin undirrituð af leiðtoga þess, Sibghatullah Mojaddedi, sem er bandamaður forseta landsins Hamid Karzai.

Í yfirlýsingunni voru alþjóðlegar stofnanir einnig gagnrýndar fyrir að reyna að hafa áhrif á ríkisstjórnina og dómskerfi í landinu í málum sem þessum, en alþjóðlegar hreyfingar hafa reynt að fá dóminum snúið.

Kambaksh getur áfrýjað dóminum tvisvar og dómurinn þarf að vera samþykktur af forsetanum áður en hann er framkvæmdur.

• 1 blogg um fréttina

Bloggað um fréttina

• Rúnar Sveinbjörnsson: Fyrirmyndar bandamenn??