Schwarzenegger styður John McCain

Arnold Schwarzenegger, ríkisstjóri Kaliforníu, hefur lýst yfir stuðningi við John McCain sem frambjóðanda repúblikana í forsetakosningunum í Bandaríkjunum. 

Fram kemur á fréttavef BBC að vikan hafi verið góð hjá McCain sem sigraði í forkosningunum í Flórída og fékk stuðning Rudy Guilianis sem hefur hætt við framboð sitt.

Stuðningur ríkisstjórans er talinn auka líkur á því, að McCain sigri í forkosningunum í Kaliforníu, sem verða haldnar í næstu viku.

Schwarznegger segist styðja McCain til forseta þar sem hann berjist fyrir umhverfismálum og efnahagsmálum og sé góður leiðtogi.   Schwarzenegger segir McCain vera „ameríska hetju".

Arnold Scwarzenegger, ríkisstjóri Kaliforníu, styður John McCain sem frambjóðanda repúblikana í forsetakosningum vestra. AP

• 6 blogg um fréttina

Bloggað um fréttina

• Þorsteinn Sverrisson: Með mömmu á tíræðisaldri í kosningabaráttu
• Stefán Friðrik Stefánsson: Governator styður McCain - lykilhlutverk Giuliani
• Sveinn Ólafsson: Kalifornía, stóra eplið á vesturströndinni
• Róbert Björnsson: John McCain og General Buck Turgidson
• Ragnar Bjarnason: Kemur ekki á óvart
• Ólafur Als: Nú vantar McCain einungis strangtrúaða kristna á sitt band