Einn illræmdasti hryðjuverkamaður heims
Setja bókamerki
Imad Mughniyeh, einn af leiðtogum Hizbollah samtakanna sem ráðinn var af dögum í sprengjutilræði í Damaskus, höfuðborg Sýrlands, í morgun, var efsti maður á lista Ísraela yfir eftirlýsta hryðjuverkamenn. Þetta kemur fram á fréttavef Ha’aretz.
Hann var einnig ofarlega á lista bandarískra yfirvalda yfir eftirlýsta menn og hafði farið hulu höfði árum saman. Þá hafði hann gengist undir nokkrar skurðaðgerðir til að breyta ásjónu sinni.
Mughniyeh, er sagður hafa talið sig líklegan arftaka Hassan Nasrallah, æðsta leiðtoga Hizbollah samtakanna, en hann er m.a. talinn hafa verið einn af höfuðpaurum fjölmargra rána á Vesturlandabúum í landinu á níunda áratug síðustu aldar. Þá var hann talinn hafa staðið á bak við flugrán flugvélar TWA flugfélagsins árið 1985.
Ísraelska leyniþjónustan Mossad mun hafa gert nokkrar tilraunir til að ráða hann af dögum undir lok síðustu aldar og í einu slíku tilræði lét bróðir hans lífið.
Hvatti kjósendur til þess að greiða ógild atkvæði
Létu lofthræðsluna ekki á sig fá
Koma fyrstu tölur á sunnudagskvöldið?
Falskur fyrirvari á auglýsingum Höllu
Vonir bundnar við morgundaginn
Auka aðgengi að Grindavík
Börnin eiga að ýta við foreldrum sínum