Íkveikjur og óspektir í Danmörku

Ungmenni kveiktu í skóla og voru með óspektir í Kaupmannahöfn og víða í Danmörku í gærkvöldi og nótt. Mikill eldur kom upp í Værebro-skóla í Bagsværd í Kaupmannahöfn og segir lögreglan að um íkveikju sé að ræða.

Óróleika gætti samkvæmt Berlingske Tidende í mörgum bæjum á Sjálandi og kveikt var í bílum og ruslagámum í Slagelse, Ringsted og Greve-Hundige sem og í Kaupmannahöfn, Árósum og fleiri bæjum.

Mörg ungmennanna eru börn innflytjenda og er talið að óspektirnar megi rekja til birtingar á skopmyndum af spámanninum Múhameð í dönskum blöðum í gær. 

• 4 blogg um fréttina

Bloggað um fréttina

• Muddur: Sýnum samstöðu með frændum okkar
• Jóhannes Ragnarsson: Múhameðsvakning framsóknarmanna
• Þorsteinn Valur Baldvinsson: Öflun óvina og efling kynþáttahaturs
• Bara Steini: Þetta er ykkur sjálfum að kenna...