Viðskiptabanni ekki létt af Kúbu í bráð

John Negroponte, aðstoðarutanríkisráðherra Bandaríkjanna, sagði í dag að Bandaríkin muni ekki aflétta viðskiptabanni af Kúbu á næstunni þótt Fídel Kastró hafi í dag sagt af sér embætti forseta landsins.

Spurningu blaðamanna um hvort stefna Bandaríkjastjórnar gagnvart Kúbu muni breytast í ljósi síðustu atburða sagði Negroponte: „Ég get ekki ímyndað mér að það gerist í bráð."

Hann vildi ekki tjá sig frekar um málið.

George W. Bush, Bandaríkjaforseti, sem er staddur í Afríku, sagði við blaðamenn í dag að hann vonaðist til að afsögn Kastrós muni leiða til lýðræðis á Kúbu.

Kastró, sem er 81 árs að aldri, hefur verið forseti Kúbu í tæpa hálfa öld. Árið 2006 afsalaði hann sér völdum tímabundið til Raúls bróður síns vegna veikinda. Hann hefur ekki komið fram opinberlega síðan.

Grein um Kastró

• 2 blogg um fréttina

Bloggað um fréttina

• Haukur Nikulásson: Nær væri að persóna George W. Bush verðskuldaði viðskiptabann
• Skafti Elíasson: Af því að bna menn refsa vondu köllunum