100 þúsund prósenta verðbólga

Verðbólgan í Simbabve var 100 þúsund prósent í janúar samkvæmt nýjum tölum, sem hagstofa landsins hefur birt. Hagstofan birti í síðustu viku tölur, sem sýndu að verðbólgan á ársgrundvelli í desember var 66.212% en viðvarandi matvæla- og eldsneytisskortur hafa aukið á verðbólguna síðan.

Sérfræðingar stjórnvalda í Simbabve segja, að vöruskorturinn geri það að verkum að erfitt sé að mæla verðbólguna nákvæmlega.

Um 80% þjóðarinnar lifir undir fátækramörkum og talið er að 3 milljónir íbúanna hafi farið til Suður-Afríku að leita sér að atvinnu. 

• 2 blogg um fréttina

Bloggað um fréttina

• Ásgrímur Hartmannsson: Mugabe
• Hilmar Guðmundsson: 100 þúsund prósenta verðbólga