Útilokar ekki framboð með Obama

Hillary Clinton ítrekaði í dag að til greina kæmi að hún og Barak Obama yrðu saman í framboði í komandi forsetakosningum, sem forseta- og varaforsetaefni. Er þetta í annað sinn á skömmum tíma sem Clinton ljáir máls á þessu.

Ýmsir hafa haft af því áhyggjur að harkaleg barátta Clintons og Obamas í forkosningunum kunni að skaða Demókrataflokkinn.

Á morgun verða forkosningar í Wyoming og leggja þau bæði mikla áherslu á þær, þótt ríkið sé fámennt. Clinton reynir hvað hún getur að tryggja sér fleiri fulltrúa á landsþingi flokksins sem kýs formlega forsetaframbjóðandann, en Obama hefur nú tryggan stuðning 1.569 fulltrúa, en Clinton 1.462. Til að eiga útnefningu vísa þarf stuðning 2.025 fulltrúa.

• 3 blogg um fréttina

Bloggað um fréttina

• Stefán Bogi Sveinsson: Æi nei
• Ásgeir Eiríksson: Góð tíðindi að vestan
• Vilborg Traustadóttir: Sennilega góður kostur