Tíbetar skotnir til bana í Kína

Kínversk lögregla skaut að minnsta kosti þrjá Tíbeta til bana í mótmælum í Sichuan héraði í Kína í morgun. Tíbetskir munkar stóðu fyrir mótmælum gegn kínverskri stjórn í Tíbet, fyrir framan stjórnarráð héraðsins, í bænum Ngawa, en margir Tíbetar búa á þessu svæði. 

Samkvæmt upplýsingum AFP fréttastofunnar, kveiktu mótmælendur í bílum og reyndu að ráðast gegn höfuðstöðvum lögreglu, sem þá hóf skothríð gegn mótmælendum.  Að sögn samtakanna Frelsum Tíbet, voru fjórir skotnir til bana en hundruð Tíbeta tóku þátt í mótmælunum.    

• 1 blogg um fréttina

Bloggað um fréttina

• Birgitta Jónsdóttir: Eru allir ráðamenn þjóðarinnar í fríi!!!