Vilja að Danir sniðgangi Ólympíuleikana

Danski þjóðarflokkurinn hefur hvatt Anders Fogh Rasmussen, forsætisráðherra Danmerkur, til að mótmæla aðgerðum kínverskra stjórnvalda í Tíbet með því að hætta við þátttöku Dana í Ólympíuleikunum í Peking.

Kristian Thulesen Dahl, þingflokksformaður Danska þjóðarflokksins, segir Dani ekki eiga að taka þátt í leikunum. Stjórnvöld megi ekki horfa fram hjá því sem sé að gerast í Tíbet og að forsætisráðherrann geti ekki forðast umræðuna.

„Nú nýverið höfum við heyrt ásakanir Kínverja um að það sé Dalai Lama, trúarleiðtogi Tíbeta, sem standi á bak við óeirðirnar. Þessar fáránlegu fullyrðingar sýna fram á styrk kínversku áróðursvélarinnar, og Danir eiga ekki að taka þátt í þessu,“ segir Dahl.

• 6 blogg um fréttina

Bloggað um fréttina

• Salmann Tamimi: Spurning um að líta í sinn eiginn barm?
• Halldór Þórðarson/dóritaxi: Vilja að Danir sniðgangi Ólympíuleikana
• Guðmundur Jónas Kristjánsson: Danir sniðgangi Ólympíuleikanna
• Gestur Guðjónsson: Kill them with kindness
• Ingólfur H Þorleifsson: Undir oki Kínverskra kommúnista.
• Reynir Jóhannesson: Röng ákvörðun að sniðganga Ólympíuleikana