Sarkozy útilokar ekki hunsun Ólympíuleika

Nicolas Sarkozy Frakklandsforseti segist ekki útiloka að Frakkar sniðgangi Ólympíuleikana í Beijing í Kína í sumar vegna framgöngu Kínverskra yfirvalda í mannréttindamálum og málefnum Tíbet. Þetta kemur fram á fréttavef Jyllands-Posten.

„Ég útioka ekkert, en eins og staðan er nú tel ég skynsamlegast að bíða með stórar  yfirlýsingar og sjá hvernig málin þróast,” sagði hann. Yfirvöld í Frakklandi, hafa fram til þessa alfarið vísað því á bug að til greina komi að Ólympíuleikarnir verði sniðgengnir.

 Talsmaður kínverskra stjórnvalda fordæmdi í dag mótmælaaðgerðir sjálfstæðissinnaðra Tíbeta er Ólympíueldurinn var kveiktur í Grikklandi í gær og sagði allar tilraunir til að varpa skugga á Ólympíuleikana vera skammarlegar og illa séðar í Kína

• 1 blogg um fréttina

Bloggað um fréttina

• Birgitta Jónsdóttir: Halló halló auglýsi eftir íslensku ríkisstjórninni