Almenningur á Kúbu fær að eiga farsíma

Forseti Kúbu hefur heimilað Kúbumönnum að eignast farsíma en hingað til hafa farsímar að mestu verið fráteknir fyrir útlendinga og ríkisstarfsmenn. Þessu greindi fjarskiptafyrirtæki ríkisins frá í dag.

Farsímar hafa þegar verið áberandi í Kúbu en hingað til hafa Kúbumenn þurft að fara krókaleiðir til að eignast þá. Fara þurfti í gegnum þriðja aðila og ekki var hægt að fá þjónustusamning á eigin nafni.  Fjarskiptafyrirtækið ETECSA greindi frá því að það væri að bjóða farsímaþjónustu til almennings í gegnum fyrirfram greidda samninga í erlendri mynt. „Á næstu dögum verða breytingarnar skýrðar fyrir almenningi,“ stóð í tilkynningunni.

Almenn farsímaeign var eitt málefni af mörgum sem Kúbumenn vonuðust eftir að ná í gegn eftir að Raul Castro tók við forsetaembættinu eftir tæplega 50 ára stjórn bróður hans, Fidel.

• 2 blogg um fréttina

Bloggað um fréttina

• Snorri Bergz: Undur og dásemdir kommúnismans
• Rúnar Sveinbjörnsson: Að forgangsraða rétt!