Dalai Lama hvetur til viðræðna

Dalai Lama, andlegur leiðtogi Tíbeta, ítrekar að hann vilji hefja þýðingamiklar viðræður við kínversk yfirvöld vegna ástandsins í Tíbet. 

„Ég hef lýst yfir vilja mínum að ræða við og vinna með kínverskum yfirvöldum, til þess að koma á friði og stöðugleika í Tíbet," segir í yfirlýsingu frá Dalai Lama.  Ennfremur segir að Dalai Lama hafi beðið kínversk stjórnvöld um að skilja stöðu hans og um samvinnu við að leysa vandamálin í landinu.

„Ég hvet yfirvöld í Kína einnig til þess að leggja sig fram, til þess að stuðla að friði og til þess að komast hjá ágreiningi á milli þjóðanna," segir Dalai Lama. 

• 1 blogg um fréttina

Bloggað um fréttina

• Birgitta Jónsdóttir: Fréttatilkynning: Mótmælum mannréttindabrotum í Tíbet