2 milljónir barna smituð af HIV um allan heim

Meira en tvær milljónir barna um allan heim voru smituð af HIV veirunni árið 2007 og flest þeirra voru smituð af veirunni áður en þau komu í heiminn.  Þetta kemur fram í nýrri sameiginlegri skýrslu, mannúðarsamtaka Sameinuðu þjóðanna.

Árið 2007 létust 290.000 börn undir 15 ára aldri og 12,1 milljón barna í löndum sunnan Sahara eyðimerkurinnar í Afríku, misstu annað eða báða foreldra vegna sjúkdómsins.   

Ann Veneman, framkvæmdastjóri UNICEF, segir að börn og unga fólk nútímans þekki ekki heiminn án alnæmi.   Í skýrslunni er bent á leiðir til þess að koma í veg fyrir útbreiðslu sjúkdómsins, en helst var nefnt mikilvægi þess að sjúkdómurinn berist ekki til barna frá móður, fyrirbygging útbreiðslu á meðal ungs fólks, og að ráðstafanir verði gerðar til þess að þau börn sem eru smituð fái aðstoð og meðferð. 

Í skýrslunni kemur fram að árangur hafi náðst á mörgum sviðum, í löndum eins og Botsvana, Brasilíu, Rúanda, Suður-Afríku og Taílandi, en að mikil vinna sé enn fyrir höndum. 

• 1 blogg um fréttina

Bloggað um fréttina

• Mofi: Vondur heimur sama sem vondur Skapari?