Glæpasagnahöfundur særðist alvarlega í skotárás

Þekktur glæpasagnahöfundur í Búlgaríu liggur alvarlega slasaður á sjúkrahúsi í Sofiu, höfuðborg landsins, eftir að hafa verið skotinn í höfuðið um hádegisbilið í dag.  Georgi Stoev hefur bæði skrifað skáldsögur og bækur byggðar á heimildum um skipulagða glæpastarfsemi í Búlgaríu.

Árásarmaðurinn náðist ekki og er ekki vitað hver hann er, samkvæmt búlgörskum fjölmiðlum. Stoev er fyrrum meðlimur í glæpasamtökum í Búlgaríu en lét af þeirri iðju sinni er hann hóf að skrifa bækur. 

Árásin á Stoev er önnur skotárásin á innan við sólarhring í Sofiu. Seint í gærkvöldi var forstjóri stórs orkufyrirtækis skotinn til bana fyrir utan heimili sitt í borginni. Tilræðismaðurinn hefur ekki fundist.

• 1 blogg um fréttina

Bloggað um fréttina

• Hilmar Guðmundsson: Þekktur glæpasagnahöfundur