Bush og Brown segja samband landanna traust

Gordon Brown, forsætisráðherra Bretlands, átti fund með George W. Bush, Bandaríkjaforseta, í Hvíta húsinu í Washington í dag og sagði að samband milli landanna tveggja verði áfram traust eftir að nýr forseti tekur við völdum í Bandaríkjunum í byrjun næsta árs.

Brown sagðist einnig myndu vinna með Bandaríkjunum að því að styrkja alþjóðlegt efnahagslíf, koma á stöðugleika í Írak og bregðast við hlýnun jarðar á meðan Bush er enn í embætti. 

Báðir leiðtogarnir báru á móti því, að samband ríkjanna hefði trosnað eftir að Tony Blair lét af embætti forsætisráðherra Bretlands sl. sumar. 

Brown átti fyrr í dag fundi með þeim John McCain, forsetaefni Repúblikanaflokksins og þeim  Hillary Clinton og Barack Obama sem keppa að útnefningu sem forsetaefni Demókrataflokksins.

• 1 blogg um fréttina

Bloggað um fréttina

• Brjánn Guðjónsson: Bush and the brownie Brit