Titanic-farmiði seldist fyrir metfé

Farmiði, sem Lillian Asplund keypti áður en hún sigldi með farþegaskipinu Titanic árið 1912, seldist á uppboði á vegum Henry Aldridge & Son í Lundúnum í gær fyrir jafnvirði 5 milljóna króna. Það var bandarískur safnari, sem keypti miðann.

Lillien Asplund fæddist árið 1906 í Massachusetts, dóttir sænskra innflytjenda: Árið 1907 fór fjölskylda hennar aftur til Smálanda í Svíþjóð vegna deilna um eignir en vorið 1912 ætlaði hún að halda aftur til Bandaríkjanna. Hún keypti því farmiða með nýja ósökkvandi skipinu sem hélt í jómfrúrferð sína í apríl 1912 frá Englandi til Bandaríkjanna.

15. apríl rakst skipið á ísjaka og sökk. Meðal þerira sem fórustu voru faðir og þrjú systkini Lillian en sjálfri var henni bjargað. Hún lést árið 2006, 99 ára gömul. 

• 2 blogg um fréttina

Bloggað um fréttina

• Mofi: Ótrúleg tilviljun
• Níels A. Ársælsson.: A Tribute To The RMS Titanic - Mark Irsic