Clinton spáð sigri
Setja bókamerki
Fyrstu tölur úr talningu atkvæða í forkosningum Demókrataflokksins í Pennsylvaníu í dag benda til þess að Hillary Clinton hafi borið sigurorð af Barack Obama. Útgönguspár sjónvarpsstöðva bentu til þess að mjótt yrði á mununum í ríkinu en Fox sjónvarpsstöðin spáir því að Clinton hafi sigrað.
Ef marka má útgönguspár virðist Obama njóta yfirburðafylgis meðal ungs fólks og 92% blökkumanna, sem tóku þátt í forkosningunum í dag kusu hann. Clinton nýtur meira fylgis meðal kvenna, aldraðra, hvítra karlmanna, verkafólks og fólks af suður-amerískum uppruna.
Mikil kjörsókn virðist hafa verið í forkosningunum. Sérfræðingar segja að Clinton þurfi á góðum sigri að halda til að eiga möguleika á að verða útnefnd forsetaefni demókrata.
Demókratar í Pennsylvaníu kjósa um 158 kjörmenn á flokksþingi demókrata í sumar. Obama hefur þegar tryggt sér 1648 kjörmenn en Clinton 1537 en 2025 kjörmenn þarf á flokksþinginu til að hljóta útnefningu.
„Má segja að þetta gos hafi þjófstartað“
Litlar líkur á að hraunið nái til mannvirkja
Myndir: Grindavíkurvegur aftur undir hraun
Mjög alvarlegt ef Njarðvíkuræð gefur sig
/frimg/1/53/7/1530787.jpg)
Flogið á milli ljósaskipta
Mæðgur dæmdar til að greiða 64 milljónir
Maskína: Framsókn í fallbaráttu