Borgarstjóraskipti í Lundúnum

Boris Johnson, þingmaður breska Íhaldsflokksins, bar sigurorð af Ken Livingstone, borgarstjóra Lundúna og frambjóðanda Verkamannaflokksins, í borgarstjórakosningum sem fóru fram í gær. Atkvæði voru talin í dag og úrslitum lýst nú á 12. tímanum. 

Johnson fékk 1.168.738 atkvæði en   Livingstone, sem verið hefur borgarstjóri frá árinu 2000, 1.028.966 atkvæði. Kjörsókn var 45%, fimm prósentum meiri en árið 2004, og er þetta í fyrsta skipti sem yfir 2 milljónir manna greiða atkvæði í borginni.

Almennt var búist við að Verkamannaflokkurinn myndi tapa fylgi í sveitarstjórnakosningunum, sem fóru fram á Englandi og í Wales í gær en úrslitin voru mun verri en spáð var. Flokkurinn tapaði yfir  400 sætum í bæjar og sveitarstjórnum á Englandi og í Wales en Íhaldsflokkurinn bætti  við sig um 300 sætum.

• 5 blogg um fréttina

Bloggað um fréttina

• Snorri Bergz: Skítt með stefnumálin
• Reynir Andri: Ég vill stjórna Löndön og vinna júróvisíon
• Stefán Friðrik Stefánsson: Boris kjörinn borgarstjóri - bresk hægrisveifla
• Markús frá Djúpalæk: Boris?
• Ásgeir Eiríksson: Merkur stjórnmálamaður hættir