Lundúnalögreglan skaut mann til bana

Karlmaður, sem skaut á löreglumenn úr húsi í King's Road í Chelsea í Lundúnum, lést eftir að lögregla réðist til inngöngu í húsið og beitti lömunarsprengjum og öðrum vopnum. Áður hafði lögreglan setið um húsið í nærri fimm klukkustundir.

Lögreglan var kölluð til eftir að tilkynning barst um að skotið hefði verið af byssu inni í barnaherbergi í íbúðinni. Þegar lögreglumenn komu að húsinu  um klukka 17 skaut maðurinn á þá. Hann skaut aftur á lögregluna á tíunda tímanum og lögreglan svaraði skothríðinni. 

Ekki er vitað hvað manninum gekk til. Eigandi hússins sagði við Sky News, að maðurinn hafi verið á þrítugsaldri og verið með haglabyssu. Hann hafi ruðst inn í húsið og skotið þar úr byssunni. 

• 1 blogg um fréttina

Bloggað um fréttina

• Snorri Bergz: Hvenær skýtur maður mann?