Mynd birt af barnaníðingi

Alþjóðalögreglan Interpol hefur á ný birt mynd af meintum barnaníðingi en myndin er fengin með tölvutækni sem snýr myndum, sem snúið hefur verið, til baka. Maðurinn hefur beitt unga drengi í Suðaustur-Asíu grófu kynferðislegu ofbeldi. Þetta kemur fram á fréttavef Sky.

Myndirnar, sem eru um 800, fundust í tölvu manns sem fundinn hefur verið sekur um kuyynferðislegt ofbeldi gegn börnum. Maðurinn á myndunum er sjálfur talinn hafa birt myndir af ódæðisverkum sínum á netinu að því að talið er til að fá aðgang að tengslaneti og myndum annarra barnaníðinga. Á myndunum sem lögregla hefur undir höndum sést maðurinn beita þrjá drengi á aldrinum sex til tíu ára kynferðislegu ofbeldi. Drengirnir eru taldir vera frá Suðaustur-Asíu en maðurinn er hvítur og vestrænn í útliti.   

Lögregla hefur unnið árangurslaust að því í tvö ár að komast að því hver maðurinn er. Þó er talið a myndirnar séu frá árinu 2000 eða 2001 og því hefur maðurinn hugsanlega breyst nokkuð í útliti 

Interpol hefur einungis einu sinni áður birt slíka mynd. Það var í október á síðasta ári og skömmu siðar var greint frá því að kennsl hefðu verið borinn á manninn á myndinni og hann handekinn. Sá maður reyndist vera kanadíski kennarinn Christopher Paul Neil

• Blogga um frétt