Kveikt í tveim skólum í Pakistan

Herskáir uppreisnarmenn í Swat héraði í norð-vestur Pakistan brenndu niður skóla fyrir stúlkur í annað sinn síðan á sunnudag, að sögn yfirvalda.  Enginn hefur lýst yfir ábyrgð á athæfinu en kveikt var í skólanum í nótt og gjöreyðilagðist byggingin.  Auk þess heyrðist í skothríð á milli öryggissveita og uppreisnarmanna. 

Annar skóli fyrir stúlkur varð fyrir árás á sunnudaginn þegar bensínsprengjum var kastað á skólann.  Talið er að stuðningsmenn talibana séu ábyrgir fyrir þeirri árás.

Á fréttavef BBC kemur fram að árásum á svæðinu hefur fjölgað undanfarna daga eftir að uppreisnarmenn hættu friðarviðræðum við ríkistjórn Pakistan í síðustu viku. 

• 1 blogg um fréttina

Bloggað um fréttina

• Snorri Bergz: Íslamistar kveikja í stúlknaskólum