Medvedev sver embættiseið

Dmitry Medvedev sór í morgun embættiseið sem þriðji forseti Rússlands við hátíðlega athöfn í Kreml. 

Medvedev, sem er 42 ára, vann stórsigur í forsetakosningunum sem fram fóru í landinu í mars en hann naut stuðnings Vladimir Pútíns þáverandi forseta í embættið. 

Pútín fór með stórt hlutverk við innsetningarathöfnina í dag og þykir það bera vott um það að hann hyggist áfram gegna viðamiklu hlutverki í rússneskum stjórnmálum.

Pútín, sem er 55 ára, mun taka við embætti forsætisráðherra á næstu dögum en hanngat ekki boðið sig fram til embættisins þar sem embættistíð forseta er bundin við tvö kjörtímabil samkvæmt stjórnarskrá Rússlands.

• 1 blogg um fréttina

Bloggað um fréttina

• Skáholt: Pútin hinn mikli,