Matvælasendingar hindraðar

Herforingjastjórnin í Búrma sætir gagnrýni alþjóðasamfélagsins vegna tregðu hennar til að þiggja neyðaraðstoð erlendis frá. Sameinuðu Þjóðirnar segja að flugvélar þeirra hlaðnar matvælum fái ekki lendingarleyfi og bandarískur diplómat segir að ástandið sé hræðilegt og að tala látinna gæti farið yfir 100 þúsund eftir því sem aðstæður versni.


Samkvæmt fréttavef BBC hefur Condoleezza Rice, utanríkisráðherra Bandaríkjanna sagt að þetta snúist ekki um stjórnmál heldur neyðarástand íbúanna.

Milljón manns eru nú heimilislaus og án skjóls og stór landsvæði fóru undir vatn og óttast menn mjög faraldur af einhverri gerð.

Hjálparstarfsmenn segja að margt fólk á svæðinu hafi ekki fengið neina aðstoð. Sérfræðingar telja að það þurfi að hrinda af stað miklu hjálparstarfi til að hindra enn frekari dauðsföll.

Þessi vél var stödd í Sameinuðu Arabísku Furstadæmunum á leið til Búrma á vegum SÞ. Reuters

• 4 blogg um fréttina

Bloggað um fréttina

• Birgitta Jónsdóttir: Hvað á Búrma ekki?
• hofy sig: Grimmd.
• Haraldur Davíðsson: Hverjir eiga skilið aðstoð?
• Mofi: Er ofbeldi einhvern tímann hið eina kærleiksríka í stöðunni?