Átök færast til Trípolí

Ró hefur færst yfir götur Beirút eftir margra daga blóðug átök í liðinni viku, en líbanskir hermenn vakta nú götur Beirút.  Á meðan kyrrð færðist yfir höfuðborgina brutust hörð átök út í næststærstu borg Líbanon, Trípolí, sem er í norðurhluta landsins.  Til skothríða kom á milli stuðningsmanna stjórnvalda og fylgismanna stjórnarandstöðu.  Samkvæmt frétt Reuters hefur orðið mannfall í átökunum en engar tölur hafa verið gefnar upp.     

Eigandi kaffihúss í Beirút segist skammast sín fyrir ástandið í landinu. „Við búum í yndislegu landi, hér ríkir ekki aðskilnaður trúarbragða, honum hefur verið komið fyrir, aðskilnaður er bannaður í trúarbrögðum, öll trúarbrögð eiga skilið virðingu, þetta er skammarlegt," sagði íbúi Beirút

Að minnsta kosti 39 létu lífið í átökunum í vikunni og eru þetta hörðustu innbyrðis átök sem hafa átt sér stað í Líbanon frá því 15 ára borgarastyrjöld var í landinu á árunum 1975-1990.

• 1 blogg um fréttina

Bloggað um fréttina

• Markús frá Djúpalæk: Ljóð dagsins