Ísraelar setja skilyrði um vopnahlé

Ehud Olmert, forsætisráðherra Ísraels hefur beðið Omar Suleiman, yfirmann leyniþjónustu Egyptalands, um að koma þeim skilaboðum áleiðis til herskárra uppreisnarmanna á Gasa, að skilyrði Ísraela fyrir vopnahléi séu m.a að ísraelskum hermanni sem haldið er í gíslingu verði sleppt.

Olmert bað Suleiman einnig um að segja palestínskum vopnasveitum að hætta smygli vopna inn á Gasa svæðið ef Ísraelar eiga að samþykkja tillögur Egypta um vopnahlé. 

Suleiman var staddur í Ísrael til þess að fá stuðning stjórnvalda á vopnahléstillögu, sem palestínsk stjórnvöld hafa þegar samþykkt.

Herskáir uppreisnarmenn handsömuðu ísraelska hermanninn, Gilad Shalit í landamæraáhlaupi árið 2006, og krefjast ísraelsk stjórnvöld þess að hann verði frelsaður úr gíslingu.

• 1 blogg um fréttina

Bloggað um fréttina

• Vefritid: Að lækna sjúkdóminn en drepa sjúklinginn