Wen Jiabao, forseti Kína, heimsótti borgina Dujiangyan sem varð illa úti í jarðskjálftanum í gær og fullvissaði viðstadda um að svo lengi sem einhver von væri um að fólk væri á lífi í húsarústum yrði björgunarstarfi fram haldið.

Ríkisfjölmiðlar sögðu í morgun að 10 þúsund manns væru grafin undir húsarústum í borginni Mianzhu, sem er um 100 km frá upptökum jarðskjálftans.

Í Dujiangyan eru m.a. um 900 unglingar grafnir í rústum skólahúss. Talið er að fórnarlömb skjálftans, sem er sá versti sem orðið hefur í Kína í þrjá áratugi, séu allt að tíu þúsund.

Kínverskir fjölmiðlar greindu frá því í dag að um 1.300 björgunarmenn væru komnir til Wenchuan-sýslu, í fyrsta sinn síðan skjálftinn reið yfir, en þar voru upptök hans. Skjálftinn mældist 7,9 stig. 

Þá var ennfremur greint frá því í dag að í skjálftanum hefði flutningalest farið út af sporinu og eldur komið upp í henni. Í morgun logaði hún enn, en í lestinni voru m.a. 13 vagnar fullir af gasolíu.

Tengdar fréttir

Jarðskjálfti í Kína

Jarðskjálfti í Sichuan-héraði

• Erfiðir tímar í Sichuan héraði
• Viðurkenna galla í skólabyggingum í Sichuan-héraði
• Enn skelfur jörð í Kína
• Lítið skjálftabarn kemur í heiminn

» Fleiri tengdar fréttir

• 3 blogg um fréttina

Bloggað um fréttina

• Ómar Ragnarsson: Grimmur heimur.
• Jóhann Ágúst Hansen: Óttast um 112000 manns þar sem hjálp hefur ekki borist
• Rúnar Birgir Gíslason: Sláandi fyrirsögn