Fritzl flutti sautján vörubílsfarma

Greint hefur verið frá því að Austurríkismaðurinn Josef Fritzl hafi flutt 197 tonn af jarðvegi af landareign sinni er hann byggði jarðhýsið þar sem hann hélt dóttur sinni fanginni í 24 ár. Þrátt fyrir umfang þessara flutninga mun enginn hafa gert yfirvöldum viðvart um að eitthvað grunsamlegt væri á seyði. Þetta kemur fram á fréttavef Daily Mail.

Sautján vörubíla þarf til að flytja það magn jarðefna sem um er að ræða en auk þess sem jarðvegurinn var fluttur í burt voru byggingarvörur, heimilistæki  og húsbúnaður flutt þangað inn.

Sérfræðingar munu á næstu dögum hefja rannsókn á  rafmagni, gas og pípulögnum í jarðhýsinu auk öryggishurða sem Fritzl kom þar fyrir.

• 1 blogg um fréttina

Bloggað um fréttina

• Jac Norðquist: Hálfvitalegt !!!!