Fimm fundust á lífi í rústunum

Björgunarsveitarmenn í Kína hafa bjargað fimm manns úr rústunum í dag og sumir þeirra lágu grafnir undir þeim í 124 klukkustundir. Þetta ýtir undir þá von að fleiri kunni að finnast á lífi. 

Búið er að leita af miklum þrótti í rústunum víðs vegar og fundust fjórir einstaklingar í borginni Deyang á lífi. Fjórir menn fundust þar og var sá elsti 69 ára gamall. Ein kona fannst og er hún 31 árs gömul. Tveir af mönnunum höfðu verið grafnir undir rústunum í 124 klukkustundir. Jarðskjálftinn reið yfir sl. mánudag og enn er verið að leita á fullu að eftirlifendum.  

„Á meðan fólk bíður eftir því að vera bjargað er möguleikinn enn fyrir hendi,“ sagði Bob Tan, fjölmiðlafulltrúi. „Kraftaverk gerast og því gefum við ekki upp vonina.“ 

• 1 blogg um fréttina

Bloggað um fréttina

• Linda: Undursamlegt kraftaverk