Þúsundir útlendinga flýja Suður-Afríku

Þúsundir útlendinga hafa flúið Suður-Afríku í kjölfar ofbeldisöldu sem beinist gegn útlendingum þar í landi. Boðið hefur verið upp á sérstakar rútuferðir fyrir fólk á flótta til Mozambiqueog hafa níu þúsund manns snýtt sér þær. Þá hafa fjölmargir Zimbabvebúar snúið heim á undanförnum dögum. Þetta kemur fram á fréttavef BBC. 

Að minnsta kosti 42 hafa látið lífið í árásunum og 15.000 manns hafa leitað hælis í sérstökum miðstöðvum sem komið hefur verið upp fyrir óttaslegna útlendinga í landinu.

Lögregla í Jóhannesarborg, þar sem ástandið hefur verið verst, segir þó að mjög hafi nú dregið úr spennunni. Hins vegar hefur verið tilkynnt um árásir á útlendinga í Norð-Vestur héraði landsins en þaðan hafa ekki borist slíkar fréttir fyrr. Einnig var kveikt í tveimur rútum í Mpumalanga héraði í nótt og einn maður skotinn.   

Til stendur að hermenn verði sendir út á götur stærstu borga landsins haldi ofbeldisaldan áfram en það verður þá í fyrsta seinn sem hermenn eru sendir út á götur landsins frá lokum aðskilnaðarstefnunnar. 

Þrjár milljónir farandverkamanna frá Zimbabve eru í Suður-Afríku og segja fréttaskýrendur arð rekja megi óánægju heimamanna til þess að útlendingarnir séu betur menntaðir en innfæddir og fái því betri störf. 

• 1 blogg um fréttina

Bloggað um fréttina

• Ásta Björk Solis: Thad er nu gott ad folkid gat snytt ser thettad