Obama gerði mistök

Talsmaður Barack Obama sagði í dag að frambjóðandinn hafi gert mistök þegar hann sagði að ömmubróðir hans hafi tekið þátt í að frelsa fanga úr dauðabúðum nasista í Auschwitz eftir seinni heimsstyrjöldina.

Obama hafði í gær sagt að frændi hans hafi verið meðal fyrstu Bandaríkjamanna sem náðu til Auschwitz. En þeir sem þekkja söguna vita að það voru herlið Sovétlýðveldisins sem frelsuðu eftirlifendur í Auschwitz í Póllandi.

Obama nefndi rangar útrýmingarbúðir en staðfest hefur verið að bróðir langömmu hans, Charlie Payne, tók þátt í að frelsa fanga úr Buchenwald í apríl 1945. Hann tilheyrði 89. herliði Bandaríkjamanna.

Gagnrýnisraddir höfðu heyrst um réttmæti fyrri fullyrðingarinnar.

• 4 blogg um fréttina

Bloggað um fréttina

• Bergur Thorberg: Skinheilagir Kanar
• Jóna Kolbrún Garðarsdóttir: Obama, er hann á svipuðu stigi og Bush?
• María Anna P Kristjánsdóttir: OG hvað með það ???
• Jóhanna Magnúsar- og Völudóttir : Þeir sem aldrei gera neitt og sitja með hendur í …