Þúsundir bílstjóra í verkfalli

Tugir þúsunda flutningabílstjóra á Spáni, í Frakklandi og Portúgal taka nú þátt í aðgerðum til að mótmæla hækkun á eldsneytisverð. Hafa þeir lokað vegum í nágrenni við helstu borgir á Spáni og einnig eru landamæri Spánar og Frakklands nánast lokuð.

Verkalýðsfélagið Fenadismer, sem segist vera fulltrúi 70 þúsund flutningabílstjóra á Spáni, lýsti yfir verkfalli í morgun og sagði að um væri að ræða friðsamlegar en umfangsmiklar aðgerðir.

Miklar umferðartafir hafa orðið á helstu hraðbraut Spánar og í nágrenni við borgirnar Madrid og Valencia. 

Franskir vörubílstjórar stóðu fyrir aðgerðum nálægt landamærum Spánar og einnig við Bordeaux. Þá hafa portúgalskir vörubílstjórar hótað að lama landið.  

• 2 blogg um fréttina

Bloggað um fréttina

• Guðmundur Jónas Kristjánsson: Mikil ólga fer vaxandi í ESB-löndum
• Reynir Andri: 360.000 manna mótmæli