Mótmæli gegn eldsneytisverði færast í aukana
Setja bókamerki
Mótmæli flutningabílstjóra á Spáni, í Frakklandi og Portúgal gegn háu eldsneytisverði hafa færst í aukana í morgun og hafa tugir þúsunda bílstjóra bæst í hóp þeirra, sem lagt hafa niður vinnu. Einnig hafa starfsmenn járnbrauta í Frakklandi gripið til aðgerða. Þá hafa bílstjórar í Hong Kong og á Indlandi einnig skipulagt mótmæli.
Stjórnvöld á norðurhluta Spánar gripu í morgun til neyðarráðstafana eftir að bensín kláraðist á bensínstöðvum í Katalóníu. Lögregla fylgdi tankbílum til Barcelona svo hægt væri að fylla á tanka stöðvanna.
Flutningar á matvælum til Madridar hafa nánast stöðvast, að sögn starfsmanna Mercamadrid markaðarins, stærsta heildsölumarkaðar Spánar. Þá er einnig útlit fyrir vöruskort í Barcelona.
Spænskir og franskir vörubílstjórar stóðu fyrir aðgerðum við landamæri ríkjanna tveggja. Hafa miklar bílaraðir myndast á svæðunum og víðar í löndunum.
Fjögurra manna fjölskylda slapp úr brennandi íbúð
Ætliði að gefa út bók eftir þessa Moggastelpu?
Græddi á láninu
Sex ár fyrir hnífstungu við Hofsvallagötu
„Algjört hörmungarástand“
Evrópa á tímamótum
