Fleiri flugfélög taka farangursgjald

Fleiri flugfélög í Bandaríkjunum bættust í gær í hóp þeirra sem innheimta sérstakt gjald fyrir allar töskur sem settar eru í farangur, en stærsta flugfélagið þar í landi, American, var þegar farið að taka slíkt farangursgjald. Flest eða öll bandarísk flugfélög innheimta gjald séu tvær ferðatöskur settar í farangur.

United Airlines, sem er næst stærsta flugfélagið í Bandaríkjunum, og US Airways, tilkynntu í gær að gjald fyrir eina tösku í farangri yrði 15 dollarar, eða sem svarar tæpum 1.200 krónum. Flest flugfélög innheimta 25 dollara (2.000 kr) séu tvær töskur settar í farangur.

Mikil hækkun eldsneytisverðs hefur leitt til þess að bandarísk flugfélög innheimta nú sérstök gjöld fyrir allskonar þjónustu, auk þess að hafa hækkað fargjöld.

• 1 blogg um fréttina

Bloggað um fréttina

• Gísli Tryggvason: Aðeins aukagreiðsla fyrir valkvæða viðbótarþjónustu