Mega vera berrössuð á dönskum baðströndum

Héraðsdómur í Skodsborg á Sjálandi hefur komist að þeirri niðurstöðu, að fólk megi vera nakið á öllum baðströndum í Danmörku, hvort sem þær eru í opinberri eigu eða einkaeign.

Landeigandi á Sjálandi vildi banna strandgestum á landareign sinni að vera naktir á ströndinni. Málið fór fyrir dóm, sem komst í dag að þeirri niðurstöðu að opinn aðgangur væri að öllum baðströndum í Danmörku og ekki væri hægt að banna fólki að vera þar nakið.

Samband nektarsinna fagnaði þessum dómi í dag en landeigandinn segist ætla að áfrýja dómnum. Lögmaður landeigandans segir að baðströndin sé lítið svæði þar sem nektarsólböð séu til nokkrum til ánægju en flestum til ama. 

• 4 blogg um fréttina

Bloggað um fréttina

• Anna Guðný : BNA vs. Danmörk
• Agnes Ólöf Thorarensen: Haldið þið að það sé.....
• Snorri Bergz: Ef Íslendingar væru ennþá undir stjórn Dana
• Pálmi Freyr Óskarsson: Hvernig lítur þú út nakinn??