Eftirlitsmenn lýsa kosningar ómarktækar

Fram kemur í skýrslu kosningaeftirlitsmanna Afríkusambandsins sem birt var í morgun að forsetakosningarnar í Simbabve hafi ekki staðist viðmiðunarreglur sambandsins. Leiðtogafundur sambandsins hófst í Egyptalandi  í morgun en Robert Mugabe, sem sór embættiseið sem forseti Simbabve á grundvelli úrslita kosninganna í gær, er meðal þátttakenda á fundinum.

Fram kemur í skýrslunni að ofbeldi í aðdraganda kosninganna og ójafn aðgangur stjórnarsinna og stjórnarandstöðu að fjölmiðlum hafi gert kosningarnar ómarktækar.

Mugabe var einn í framboði í kosningunum en frambjóðandi stjórnarandstöðunnar, sem hlaut fleiri atkvæði í fyrri umferð kosninganna, dró framboð sitt til baka í síðustu viku.

• 3 blogg um fréttina

Bloggað um fréttina

• Sigurgeir Orri Sigurgeirsson: Kjósið Mugabe
• Hlynur Hallsson: Með biblíuna í annarri hendi og sveðjuna í hinni
• Jóna Kolbrún Garðarsdóttir: Glæpamaður