Barnaði 11 ára stúlku

Ítalska lögreglan handtók fyrr í vikunni 21 árs mann frá Kosovo sem giftist 11 ára serbneskri stúlku og eignaðist með henni barn. Hann var handtekinn vegna gruns um nauðgun og þrælahald en skv. ítölskum lögum er ekki leyfilegt að hafa mök við einstakling undir 14 ára aldri.

Rannsókn lögreglunnar í borginni Brescia hófst í kjölfar þess að stúlkan, sem nú er 12 ára, fæddi barn sitt á spítala í síðasta mánuði. Að sögn lögreglunnar samdi fjölskylda mannsins um hjónabandið við fjölskyldu stelpunnar og borgaði henni rétt rúmar 2 milljónir fyrir.

Stúlkan var flutt ólöglega til Ítalíu í fyrra. Hún og stúlkubarn hennar eru nú í vörslu þarlendra félagsmálayfirvalda. 

• 5 blogg um fréttina

Bloggað um fréttina

• Jóna Kolbrún Garðarsdóttir: Barnaníð með blessun foreldranna?
• Guðrún Emilía Guðnadóttir: Hvernig getur nokkur maður gert svona lagað?
• Edda Agnarsdóttir: Glæpurinn er misnotkun á barni og mansal.
• Jóhannes Ragnarsson: Börn barna verða ævinlega gæfufólk
• Hulda Elma Guðmundsdóttir: Skerið undan þeim