Fær 62,5 milljónir króna fyrir getnaðarliminn

Rúmenskur dómstóll hefur fyrirskipað rúmenskum skurðlækni að greiða fyrrum sjúklingi sínum 500 þúsund evrur, 62,5 milljónir króna, í skaðabætur. En læknirinn skar fyrir mistök getnaðarlim mannsins af í skurðaðgerð.

Í júlí 2004 gerði Naum Ciomu mistök við skurðaðgerð á eista sjúklings en hann skar getnaðarlim mannsins af í stað þess að skera í eista mannsins.

Dómari við héraðsdóm í Búkarest komst að þeirri niðurstöðu í dag að Ciomu hafi sýnt af sér vítavert gáleysi við aðgerðina og dæmdi hann eins og áður sagði til að greiða sjúklingnum skaðabætur auk þess sem hann var dæmdur í eins árs skilorðsbundið fangelsi.

Hluti af handleggsvöðva sjúklingsins, sem er á fertugsaldri, hefur verið græddur á hann í stað getnaðarlimsins en virkni vöðvans er takmörkuð.

• 2 blogg um fréttina

Bloggað um fréttina

• Sigurður M Grétarsson: Hvar lærði blaðamaðurinn að reikna?
• Frikkinn: Að hnykkla vöðvann.