45 slösuðust á árlegu nautahlaupi í Pamplona

Fimm manns slösuðust í dag á síðasta degi nautahlaupsins sem haldið er árlega í Pamplona í Baska-héraði á Spáni.  Alls hafa 45 manns slasast í ár og eru að minnsta kosti 15 þeirra erlendir ferðamenn, m.a frá Bandaríkjunum, Bretlandi,Ástralíu, Danmörku og Nýja-Sjálandi.  Fjórir af þeim sem slösuðust voru stangaðir af nautunum og fluttir á sjúkrahús. 

Nautahlaupið er hápunktur svonefndar San Fremin hátíðar  og er það haldið í átta daga.  Mannfjöldi í borginni þrefaldast ár hvert og koma gestir frá öllum heimshornum.  Hlaupið er í gegnum gamla hluta borgarinnar í átt að leikvangi þar sem nautaat er haldið síðar um daginn, og nautin eru drepin.

Fjórtán manns hafa látið lífið frá því 1911 í hlaupinu sem bandaríski rithöfundurinn Ernest Hemingway gerði ódauðlegt í skáldsögu sinni Og sólin rennur upp, eða The Sun Also Rises.

• 3 blogg um fréttina

Bloggað um fréttina

• Guðný Bjarna: ..skil ekki
• Snorri Bergz: Ný íþróttagrein kynnt á Akranesi á laugardaginn
• Bergur Thorberg: Nautheimsk lítilmenni